உன் மனமெனும் மாய ஊஞ்சலில்
தினம் ஆடும் முழு நிலவு நான்
உன் விழிகொண்ட வேட்கைத் தீர்த்திடும்
தூய கங்கையின் குமிழி நான்
கரைகடந்த உன் கனவுகளின்
நிலைபெயரா மகுடம் நான்
நிதம் துடிக்கும் நெஞ்சத்தின்
அவிழ்ந்த நித்தியக் கமலம் நான்
பிழையும் சரியுமான உன் எண்ணத்தின்
பிம்பக் குவியலின் உண்மை நான்
உன் கூடு சுமந்திடும் உயிருள்
தூய சோதியின் வெப்பம் நான்
உன்னுள் வாழ்ந்திடும் பிரபஞ்சத்தின்
ஒவ்வொரு அணுவின் அசைவும் நான்
இமைக்கும் நொடிபோன்ற வாழ்வினில்
நொடியின் கூறுகள் அனைத்தும் நான்!!!
No comments:
Post a Comment