தெரியாத கேள்வி
விடைத் தேடும் நெஞ்சம்
புரியாத பாதை
புரண்டெழுந்து ஓடும்
ஏதேதோ பார்க்கும்
பார்த்ததை ரசிக்கும்
ரசித்ததைப் பிடிக்கும்
பிடித்ததை ருசிக்கும்
ருசித்ததை ஒதுக்கும்
ஒதுக்கத்தை வெறுக்கும்!!
உணர்வுகள் மழைத் தூவ
முகம் நூறு மாறும்
மாயமான மயக்கத்தில்
சிக்கிச் சிலிர்க்கும்
விருதுகளின் ஒளி தேடி
மந்தை போல் ஓடும்
பரிகாசம் என்றாலோ
சாபங்கள் முழங்கும்
தேடுகிறேன் தேடுகிறேன்
கூரான ஆணி ஒன்றை
சுவரில் அதை அரைந்துவிட்டு
மாட்டிவைப்பேன் குரங்கு மனதை!!
No comments:
Post a Comment